Om dy fragen te beänderjen hat de skriuwer in ûndersyksmodel ûntwikkeld, dat mei de letters BIC oantsjut wurdt. Dy letters steane foar trije ynfalshoeken: Beliedsskiednis, Interactie (ynteraksje) en Context (kontekst).

It ûndersyk makket dúdlik dat as belied ta stân komme sil, it nedich is dat de direkt belanghawwenden de foarstap ta dat belied nimme. Mar dat is net genôch. Om belied op it oanbelangjend mêd ta stân te bringen moatte ek eksterne faktoaren dy’t foar in tydlik tanommen ûntfanklikens fan oerheidsside foar regionale taalwinsken en -easken soarchje, meiwurkje. Dêrby kin it sawol om it gebrûk meitsjen fan bygelyks in nij beliedsynstrumint of in regearingswiksel gean, as om it ynternasjonale ramt, bygelyks it bestean fan Dútsktalige minderheden bûten Dútslân.

It troch de Ried fan Europa fêststelde Europeesk Hânfest foar regionale of minderheidstalen liket ek fan tanimmend belang te wurden.