De Fryske Akademy is der foar jo. Wa’t praktyske fragen hat oer it Frysk, kin terlâne by it ‘Taalburo’. Neist antwurden op fragen oer stavering of oer de fraach oft eat ‘geef Frysk’ is, jout it advys by it opstellen fan (spesjalistyske) teksten lykas notaristeksten, amtlike stikken of technyske dokuminten.

Mar ek mei fragen oer de Fryske kultuer of skiednis kinne jo kontakt mei ús opnimme. Partikulieren likegoed as oerheden, bedriuwen en ynstellings binne fan herten wolkom.

Hawwe jo in ûndersyksfraach of projekt dat jo troch ús útfiere litte wolle soene, freegje dan nei de mooglikheden.