Yn 1542 hat Karel V de Fryske gemeenten opdracht jûn om listen gear te stallen fan de grutte, grinzen en jierlikse opbringsten fan de patroans, pastorij-, fikarij-,  en prebindebesittings fan alle Fryske parochy's binnen har gebiet. Dy binne foar de measte stêden en gritenijen ek bewarre bleaun. Allinnich Frjentsjerteradiel, Einjewier, Gasterlân, Skoatterlân en ferskate doarpen ûntbrekke. 

Der bestiet in útjefte fan, printe yn 1774 mar earst yn 1850 troch J. van Leeuwen publisearre. Om't it om in faak brûkte, tige detaillearre boarne giet, dy't in skerp ynsjoch yn de finansiering fan de midsieuske Fryske parochytsjerken en har betsjinners jout, en boppedat gâns nammen en gegevens oer lângebrûk befettet, is it plan ûntstien om der sawol in digitale útjefte as ien yn boekfoarm fan te meitsjen. It stribjen is om de teksten yn 2009 yn druk en op 'e site beskikber te hawwen.

P.L.G. van der Meer