Persoonlijke hulpmiddelen
U bent hier: Home → wf → Genealogysk Wurkferbân → Genealogysk
Document Acties

Genealogysk Wurkferbân

Sjoch foar gearkomsten by:

Aginda

Nij op dizze side:

Grêfskriften (wurdt noch oan wurke)

Doel en skiednis:

It Genealogysk Wurkferbân graaft yn 't papierene ferline fan Fryslân. Genealogen hâlde harren dwaande mei it ûndersyk fan geslachten. Hja jouwe omtinken oan 'e gearhing fan dy geslachten en oan de omstannichheden dêr't dy ûnder libbe hawwe. Hja dogge soks om dêr it eigen ynsjoch mei te ferdjipjen, mar ek om oaren, bygelyks skiedkundigen, mei de útkomsten fan harren ûndersyk te skewielen.

Yn 1946 is it Genealogysk Wurkferbân fan de Fryske Akademy oprjochte om de krêften op dat mêd te bondeljen. Nei 1970 hat 't Wurkferbân in grutte flecht naam, sadat it no mear as 500 leden telt.
Ut de leden fan it Genealogysk Wurkferbân is yn 1956 in beheind tal leden ynstallearre as de Fryske Rie foar Heraldyk. Dy Rie hâldt him dwaande mei alle saken dy't wapens en flaggen oanbelangje. Fan de Fryske Rie foar Heraldyk is in aparte folder beskikber.

Genealogen kinne foar harren ûndersyk yn Fryslân terjochte by Tresoar (it eardere Ryksargyf), Bûterhoeke 1 te Ljouwert; it Histoarysk Sintrum Ljouwert, Grienewei 1 te Ljouwert, it Streekargyf Noardeast-Fryslân, Brokmui 62 te Dokkum en yn alle gemeentesekretaryen yn Fryslân.

Lidmaatskip:

It lidmaatskip fan it Genealogysk Wurkferbân kostet neat, mar leden fan it wurkferbân moatte stiper wêze fan de Fryske Akademy.

Aktiviteiten:

It Genealogysk Wurkferbân organisearret:
  • gearkomsten dêr't in genealogysk of heraldysk ûnderwerp yn oan 'e oarder steld wurdt om de kennis en it ynsjoch fan 'e leden te fergrutsjen;
  • gearkomsten dêr't yn socht wurdt om antwurden op fragen dy't de leden yn 't foar skriftlik ynstjoerd hawwe;
  • alle jierren in ekskurzje nei in pear tsjerken om grêfsarken, roubuorden ensfh. te besjen;
  • ienkear yn 'e twa jier in Genealogyske Dei yn 'e mande mei de ôfdieling Fryslân fan de Nederlandse Genealogische Vereniging en de stifting Freonen fan de Argiven yn Fryslân;
  • it ûndersyk fan grêfstiennen dy't by tsjerke-restauraasjes foar 't ljocht komme.

Publikaasjes:

It wurkferbân riedt de útjefte ta fan:
  • in Genealogysk Jierboek;
  • in boekje 'Ferbân yn ús Wurk', mei ynformaasje dêr't de leden by harren ûndersyk perfyt fan hawwe kinne;
  • de rige 'Grêfskriften yn Fryslân'.

Undersyk foar tredden

It Genealogysk Wurkferbân docht gjin genealogysk ûndersyk foar tredden.
Guon leden binne wol ree om soks persoanlik, tsjin fergoeding, te dwaan.

De skriuwer fan it Genealogysk Wurkferbân is: drs. Ype Brouwers

drs. Ype Brouwers

Publikaasjes:

Ynformaasje oer de wurkferbannen kinne jo opfreegje by:

Stiper wurde:
Powered by Plone