De Akademylêzingen (earder de Frouljuslêzingen) is in rige fan seis publykslêzingen ferspraat oer it winterskoft. Elk jier slagget de wurkgroep Akademylêzingen der wer yn in oansprekkende rige gear te stallen yn oparbeidzjen mei frouljusorganisaasjes yn Fryslân.

De rige lêzingen wurdt op twa plakken hâlden: De Koperen Tún yn Ljouwert en It Haske op 'e Jouwer. De ûnderwerpen binne aktuele, edukative, wittenskiplike en algemien-maatskiplike tema's, dêr't sprekkers op eigen wize ynfolling oan jaan kinne.

Oprjochtingsjier

1957 (wurkgroep sûnt 2008)

Bestjoer en kontakt

Foarsitter: Akkie Lindeboom (e-mail)
Skriuwer: Anneke de Vos
Bestjoersleden: Fenna Stoel, Aukje Dijkstra, Jantsje Kalsbeek, Froukje Swierstra-Luimstra

De 65ste rige Akademylêzingen set yn novimber 2024 útein. De rige bestiet út trije dagen mei in moarns- en middeislêzing fan 10.00–15.00 oere. De kosten foar it bywenjen fan de hiele rige Akademylêzingen (3 dagen) komme yn 2024 op €30,-.  
It is net mooglik om foar 1 dei in kaart te bestellen.

Dr. Nelleke IJssennagger-van der Pluijm, direkteur-bestjoerder fan de Fryske Akademy en Nynke Boonstra, lektor Zorg & Innovatie in de Psychiatrie fan NHL Stenden nimme de earste dei, freed 22 novimber, foar harren rekken. De lêzing fan IJssenagger-van der Pluijm sil gean oer ‘Frisia en de Vinkingtiid’. De lêzing fan Boonstra giet oer ‘Verpleegkunde in de GGZ’.

Op tiisdei 21 jannewaris komt dr. Johanneke Liemburg oan it wurd oer ‘Geertje Lycklama à Nijeholt, 1938- 2014 - Feministisch strategisch’. Prof.dr. Marien de Jonge, Radboud Universiteit Nijmegen, sil it hawwe oer ‘Infectie en immuniteit, afweer en bescherming’.

De rige wurdt ôfsletten mei lêzingen fan Froukje Hernamdt, direkteur Natuermuseum Fryslân en M.W.P.M. ter Berg, Senior raadsheer bij het Gerechtshof Arnhem-Leeuwarden. De lêzing fan Hernamdt, yn Ljouwert, giet oer de takomst fan it Natoermuseum Fryslân. Op ‘e Jouwer sil Dennis Voeten, konservator Natuermuseum Fryslân, fertelle oer ’'Friese Dino's in vogelvlucht. De oorsprong en evolutie van vogels'. De titel fan de lêzing fan Ter Berg, yn beide plakken, sil wêze: ‘Als u rechter was, dan zou u ….. of toch maar niet? 

Praktyske ynformaasje 2024
 

Lêzing 1, moarns 10.00-12.00 oere (45 min lêzing, kofjeskoft, 45 min fragen/diskusje)
Lêzing 2, middeis 13.30-15.30 oere (45 min lêzing, teeskoft, 45 min fragen/diskusje)

Groep I, Ljouwert
Grand Café Restaurant De Koperen Tuin, Prinsetún 1, 8911 DE Ljouwert, tel. (058) 213 11 00

Groep II, De Jouwer
Party- en Sealesintrum It Haske, Vegelinswei 20, 8501 BA De Jouwer, tel. (0513) 41 52 81
 

• Kaarten foar 6 lêzings op trije dagen yn Ljouwert (€30,-)
• Kaarten foar 6 lêzings op trije dagen op 'e Jouwer (€30,-) 

Yn 2018 waarden de Akademylêzingen foar de 60ste kear organisearre. Dêrta wie der in jubileumedysje op tiisdei 13 maart 2018 yn De Harmonie yn Ljouwert, mei in lêzing fan sosjologe Evelien Tonkens en muzyk fan Tet Rozendal.

• Foto-ympresje fan it jubileumprogramma (Flickr)
• Filmke oer 60 jier Akademylêzingen troch NHL-studinten