Skip to main content Skip to page footer
Fryske Akademy Fryske Akademy
Utnûging Sterke Tsjerke Ferhalen. Foto: Marieke Balk, fia Alde Fryske Tsjerken

Utnûging Sterke Tsjerke Ferhalen. Foto: Marieke Balk, fia Alde Fryske Tsjerken

Sterke Tsjerke Ferhalen fan Nelleke IJssennagger-van der Pluijm yn Surch

Evenemint

Skiednis en erfgoed

Yn it ramt fan har 55-jierrich jubileum organisearret de stifting Alde Fryske Tsjerken de Sterke Tsjerke Ferhalen, in rige fan fjouwer lêzings troch bysûndere sprekkers dy't fertellen oer harren Top-3 fan sterke ferhalen oer Fryske tsjerken. Nelleke IJssennagger-van der Pluijm, direkteur-bestjoerder fan de Fryske Akademy én bysûnder heechlearaar Kultuerskiednis fan it súdlike Noardseegebiet yn de iere midsiuwen en Wytsingtiid, is ek útnûge.

IJssennagger-van der Pluijm sil fertelle oer it ein fan de Wytsingtiid en it begjin fan it âldfrysk: de âldste Fryske tsjerken en har foarrinners hawwe de lêste Wytsingen noch sjoen. Mar wat barde der doe, en wat barde der by de tsjerken? Ek sil IJssennagger-van der Pluijm koart fertelle oer de oprjochting fan de Fryske Akademy yn 1938 en oer de ynternasjonale studinten dy’t foarby kamen oan de Universiteit fan Frjentsjer.

Programma

Plak: Doarpstsjerke Surch, Schoolstraat 6, 8751 TG Surch/Zurich
Datum: Tiisdei 7 oktober
Ynrin: fan 19.30 ôf
Start: 20.00 oere
Klear: 21.00 oere
Neisit: oant 21.30

Mear ynformaasje: website Alde Fryske Tsjerken

 

Werom