Genealogysk Wurkferbân
It Genealogysk Wurkferbân graaft yn 't papierene ferline fan Fryslân. Genealogen hâlde harren dwaande mei it ûndersyk fan geslachten. Hja jouwe omtinken oan 'e gearhing fan dy geslachten en oan de omstannichheden dêr't dy ûnder libbe hawwe. Hja dogge soks om dêr it eigen ynsjoch mei te ferdjipjen, mar ek om oaren, bygelyks skiedkundigen, mei de útkomsten fan harren ûndersyk te skewielen.
Nei de Twadde Wrâldoarloch is it Genealogysk Wurkferbân fan de Fryske Akademy oprjochte om de krêften op dat mêd te bondeljen. Nei 1970 hat it Wurkferbân in grutte flecht naam, sadat it op in beskaat momint mear as 500 leden telde. Ut de leden fan it Genealogysk Wurkferbân is yn 1956 in beheind tal leden ynstallearre as de Fryske Rie foar Heraldyk. Dy Rie hâldt him dwaande mei alle saken dy't wapens en flaggen oanbelangje.
Oprjochtingsjier
1946
Bestjoer en kontakt
Foarsitter: Gosse van der Plaats (e-mail)
Skriuwer: Dr. Jabik van der Bij (e-mail)
Bestuursleden: Jelle de Jong, Anne Hielke Lemstra, Rinse Spits, Anneke Westerhuis-Jager.
Genealogysk Jierboek: Ype Brouwers, einredakteur (e-mail)
Oer it Genealogysk Wurkferbân
It Genealogysk Wurkferbân:
- riedt de útjefte ta fan it Genealogysk Jierboek;
- organisearret gearkomsten dêr't in genealogysk of heraldysk ûnderwerp yn oan 'e oarder steld wurdt om de kennis en it ynsjoch fan 'e leden te fergrutsjen;
- organisearret alle jierren in ekskurzje nei in pear tsjerken om grêfsarken, roubuorden ensfh. te besjen;
- organisearret ienkear yn 'e twa jier in Genealogyske Dei yn 'e mande mei de ôfdieling Fryslân fan de Nederlandse Genealogische Vereniging en de stifting Freonen fan de Argiven yn Fryslân;
- hat in Grêfskriftekommisje, dy't ûndersyk docht nei grêfstiennen dy't by tsjerkerestauraasjes foar 't ljocht komme. Mear ynfo sjoch ûnderoan dizze side.
Genealogysk Wurkferbân docht gjin genealogysk ûndersyk foar tredden. Guon leden binne wol ree om soks persoanlik, tsjin fergoeding, te dwaan. Genealogen kinne foar harren ûndersyk yn Fryslân û.o. terjochte by Tresoar, it Histoarysk Sintrum Ljouwert, it Streekargyf Noardeast-Fryslân en yn alle gemeente-argiven yn Fryslân. Dizze ynstellingen nimme ek genealogyske publikaasjes, fakentiden basearre op ûndersyk yn dy argiven, graach op yn harren kolleksje. Foar net-publisearre ûndersyk en databestanenn is gjin plak yn harren kolleksjes. De Stichting Erfgoed Fundaasje is dêr ûnder betingsten wol ree ta. Dizze ynstelling kin yn oerlis wol ûnkostefergoeding yn rekken bringe.
Grêfskriftekommisje
Yn 'e rin fan 'e ôfrûne jierren binne ferskate tsjerken yn Fryslân restaurearre. De Grêfskriftekommisje fan it Genealogysk Wurkferbân makket, sadree't er weet kriget dat der earne in tsjerkeflier útgiet, in sekuere ynventarisaasje fan bekende en ûnbekende grêfskriften op 'e sarken.
- Ferslaggen fan 'e Grêfskriftekommisje binne te finen op de website fan Hessel de Walle.
- Lês hjir in lytse skiedskriuwing (pdf-dokumint) fan it wurk fan 'e Grêfskriftekommisje troch Meindert Tangerman
- Kontakt mei de kommisjeleden kin fia Meindert Tangerman (e-mail) of Hessel de Walle (e-mail).
Aginda
Winterseizoen 2024-2025
Sneon 30 novimber 2024, 13:30 oere, Tresoar Ljouwert
Presintaasje Genealogysk jierboek 2024
- Gosse van der Plaats, Mieke Breij - Parenteel Simon Juckes de Geest, de heit fan His, Gelis en Wybrand de Geest.
- Jelle Miedema - Vomelius van Wommels, heer Haye Hoytez en zijn erfgenamen.
- Douwe P. de Vries, Jelle de Jong – Van der Burch
- Fryske Rie foar Heraldyk - Wapenregistraasje
Utnûging mei mear ynformaasje (pdf)
Bestelformulier Genealogysk Jierboek 2024 (pdf)
Sneon 4 jannewaris 2025
mear ynformaasje folget.
Sneon 1 febrewaris 2025
mear ynformaasje folget.
Sneon 8 maart 2025
mear ynformaasje folget.
Sneon 5 april 2025
mear ynformaasje folget.
-----
Earder yn it Winterseizoen 2024-2025
Sneon 7 septimber 2024
(NVG/Genealogysk Wurkferbân): Mienskiplik reiske nei it histoarysk sintrum ‘De Tiid’ yn Boalsert. Mei in ynformative presintaasje fan it gemeenteargyf Súdwest-Fryslân en in besite oan it Museum De Tiid.
Sneon 12 oktober 2024, Van Swinderen Huys, Grins
NGV Schepperle Award
Sneon 19 oktober 2024, 13.30 oere, Tresoar, Ljouwert
NGV: Alice Booij - Schippersvrouwen
Sneon 26 oktober 2024, 13.30 oere, Tresoar, Ljouwert
Ledegearkomste mei lêzing.
Karel Oosterling, ‘De walvisvaart in de 17e en 18e eeuw.’
Elkenien wolkom (ek net-leden), tagong fergees.
Utnûging mei mear ynformaasje (pdf)
Sneon 16 novimber 2024, Tresoar, Ljouwert
NGV: Afdelingsledenvergadering en tienminutenpraatjes (pdf)