Presintaasje Dylan Rose, 14th International Conference on Third Language Acquisition and Multilingualism, Poznań (PL)
De 14th International Conference on Third Language Acquisition and Multilingualism is fan 3 oant en mei 5 septimber 2026. De konferinsje wurdt mienskiplik organisearre troch de Fakulteit Ingelsk en de Fakulteit Moderne Talen en Literatuer fan de Adam Mickiewicz-Universiteit yn Poznań, Poalen. Foarôfgeand oan de konferinsje is op 2 septimber 2026 in workshop foar promovendy.
By de konferinsje sille de haadlêzingen holden wurde troch:
- Agnieszka Otwinowska-Kasztelanic, University of Warsaw
- Ludovica Serratrice, University of Reading, UiT The Arctic University of Norway
- Guillaume Thierry, Bangor University
Rose
Dylan Rose is op basis fan syn ûndersyksgearfetting ek útnûge om in presintaasje te jaan. Rose is promovendus oan de Fryske Akademy en Campus Fryslân, dêr't er de kognitive en sosjolinguistyske meganismen bestudearret dy't te ’n grûnslach lizze oan twatalige spraak yn it Frysk en Nederlânsk. Syn ûndersyk rjochtet him op hoe't de identiteit fan de sprekker fan ynfloed is op taalwikseling, perseptuele autentisiteit en ynteraktyf gedrach, mei direkte ymplikaasjes foar it ûntwerp fan ynklusive en minderheidstaalgefoelige AI-systemen. Hy wurket op it snijflak fan laboratoariumsosjolinguistyk, psycholinguistyk en spraaktechnology.
Rose komt oarspronklik út Prince Edward Island, Kanada, en hat in BA Honours English, in BA Honours Psychology en in Master of Education (M.Ed.) fan de Universiteit fan Prince Edward Island, lykas in Research Master (ReMa) yn Linguistics: Language and Cognition fan de Ryksuniversiteit Grins.
Yn syn ReMa-skripsje, mei de titel ‘Balancing the bilingual mind: How experience shapes language switching and cognate facilitation’, ûndersocht er twatalige kontrôle en taalattitudes by Nederlânsktalige en Ingelsktalige sprekkers. Yn syn doktoraatsûndersyk stribbet er dernei om in brêge te slaan tusken kognitive teory en praktyske taaltechnology om de fitaliteit en autentike fertsjintwurdiging fan minderheidstalen te stypjen.