Skip to main content

Genealogysk Wurkferbân

It Genealogysk Wurkferbân graaft yn 't papierene ferline fan Fryslân. Genealogen hâlde harren dwaande mei it ûndersyk fan geslachten. Hja jouwe omtinken oan 'e gearhing fan dy geslachten en oan de omstannichheden dêr't dy ûnder libbe hawwe. Hja dogge soks om dêr it eigen ynsjoch mei te ferdjipjen, mar ek om oaren, bygelyks skiedkundigen, mei de útkomsten fan harren ûndersyk te skewielen.

Nei de Twadde Wrâldoarloch is it Genealogysk Wurkferbân fan de Fryske Akademy oprjochte om de krêften op dat mêd te bondeljen. Nei 1970 hat it Wurkferbân in grutte flecht naam, sadat it op in beskaat momint mear as 500 leden telde.

Ut de leden fan it Genealogysk Wurkferbân is yn 1956 in beheind tal leden ynstallearre as de Fryske Rie foar Heraldyk. Dy Rie hâldt him dwaande mei alle saken dy't wapens en flaggen oanbelangje.

 

Oprjochtingsjier

1946 

 

Bestjoer en kontakt

  

Wat dogge wy allegear?

It Genealogysk Wurkferbân:

  • riedt de útjefte ta fan it Genealogysk Jierboek;
  • organisearret gearkomsten dêr't in genealogysk of heraldysk ûnderwerp yn oan 'e oarder steld wurdt om de kennis en it ynsjoch fan 'e leden te fergrutsjen;
  • organisearret alle jierren in ekskurzje nei in pear tsjerken om grêfsarken, roubuorden ensfh. te besjen;
  • organisearret ienkear yn 'e twa jier in Genealogyske Dei yn 'e mande mei de ôfdieling Fryslân fan de Nederlandse Genealogische Vereniging en de stifting Freonen fan de Argiven yn Fryslân;
  • hat in Grêfskriftekommisje, dy't ûndersyk docht nei grêfstiennen dy't by tsjerkerestauraasjes foar 't ljocht komme. Mear ynfo sjoch ûnderoan dizze side.

Genealogysk Wurkferbân docht gjin genealogysk ûndersyk foar tredden. Guon leden binne wol ree om soks persoanlik, tsjin fergoeding, te dwaan. Genealogen kinne foar harren ûndersyk yn Fryslân û.o. terjochte by Tresoar, it Histoarysk Sintrum Ljouwert, it Streekargyf Noardeast-Fryslân en yn alle gemeente-argiven yn Fryslân.

 

 

Gearkomsten

Gearkomsten fan it Genealogysk Wurkferbân fine plak yn it winterskoft, yn 'e regel op in sneontemiddei om 13.30 oere yn Grand Café Wouters, Sophialeane 5, Ljouwert.

 

 

Grêfskriftekommisje

Yn 'e rin fan 'e ôfrûne jierren binne ferskate tsjerken yn Fryslân restaurearre. De Grêfskriftekommisje fan it Genealogysk Wurkferbân makket, sadree't er weet kriget dat der earne in tsjerkeflier útgiet, in sekuere ynventarisaasje fan bekende en ûnbekende grêfskriften op 'e sarken.

 

 

Winterskoft 2018-2019

Sneon 15 september 2018: Mienskiplik reiske NGV afdeling Friesland en Wurkferbân nei Frjentsjer (sjoch útnûging) Opjefte is sletten.

Sneon 13 oktober 2018: Piet Postma. Famylje IJsselmuiden (sjoch útnûging) *.

Sneon 3 novimber 2018. Jan de Jager. Boeken Paesens-Moddergat & famylje Hellinga*.

Sneon 1 desimber 2018: Presintaasje Genealogysk Jierboek 2018. Taljochting troch de auteurs.

* foarriedige titels

 

Winterskoft 2017-2018

Sneon 14 oktober 2017: Reiske nei Gaasterlân (sjoch útnûging en ferslach)

Sneon 4 novimber 2017: Prof. dr. Hans Mol (Fryske Akademy) oer it digitalisearringsprojekt Fryslân 1750-1900: persoanen en perselen (sjoch útnûging en ferslach)

Sneon 2 desimber 2017: Presintaasje Genealogysk Jierboek 2017 yn De Koperen Tún. Taljochting troch de auteurs (sjoch wurklist).

Sneon 6 jannewaris 2018: Annemarie Zijlstra: Schotanusatlassen en buitenplaatsen in Fryslân (sjoch wurklist, flyer en ferslach)

Sneon 20 jannewaris 2018: Paul van der Zwaag: Een naar familiegeschenk. Onderzoek naar een erfelijke hartafwijking (PLN) (sjoch flyer)

Sneon 3 febrewaris 2018: Frage- en útwikselmiddei (sjoch útnûging en flyer, fraach 1, 2 en ferslach)

Sneon 17 febrewaris 2018: Dorien Haagsma: Landaanwinning in het Friese kustgebied (sjoch flyer). Lokaasje: HSL

Sneon 31 maart 2018: Wannear is Jan in soan fan Pyt? Bydragen fan Kees de Boer en Anne Hielke Lemstra (sjoch wurklist, flyer en ferslach)

Sneon 14 april 2018: Het wapenbord van Oosterwierum, lêzing fan Bernhard van Haersma Buma, en De Sixma-grafkelder te Huizum, lêzing fan Coert van Beijma. NGV-gearkomste yn it HSL (sjoch flyer). 

 

Winterskoft 2016-2017

Sneon 22 april 2017: Piter van der Woude oer âlde famyljegeheimen: 'Alde geheimen sykje it ljocht'. Net te ferklearjen saken út it ferline fan in famylje bliuwe it neiteam fassinearjen. Faak komt dat ‘net te ferklearjen’ troch ferswijen. Om’t de ear fan ‘e famylje rêden wurde moast. Of om’t skamte en skande bedutsen wurde moasten. Mar it ferswijen hat fan gefolgen dat der in gat, in leech plak, yn it famyljebyld ûntstiet. It plaatsje is net folslein, der mist in namme, in beppe, in oerpake. It gat wol folle wurde, it geheim siket it ljocht. Dizze presintaasje giet oer it sykjen nei in ûnbekende oerpake yn Piter syn famylje. “Pake hie gjin heit, pake hie allinnich in mem”.
Utnûging: (Frysk) (Nederlânsk).

Sneon 11 maart 2017: Dick Bunskoeke oer de Harnzer mûnen, eigners en famyljes: 'Mensen, molens, bedrijven'. Yn de sechtjinde iuw kaam de earste Fryske oaljemole by Harns te stean, fluch nei 1600 folgen de earste beide Fryske papiermûnen. Yn 1616 kaam de earste houtseachmole fan Fryslân, as earste fan in hiele rige. De bou fan de mûnen waard finansiere troch in relatyf lytse groep foaroansteande stedsjers, dy’t ek hyltyd mear as eigners fan de mûnen yn ‘e boeken kamen. Guon famyljes koene generaasje nei generaasje harren bedriuwen behâlde en foarmen sa in wiere “mûnedynasty”. De grutte rol fan begoedige, meniste ynwenners falt op by al dizze warberens. In ûndersyk nei de 35 stânplakken fan ferdwûne wynmûnen en de dêrby belutsen eigners en mûnders liede yn 2016 ta in nij boek (sjoch dizze folder), mei in yndeks fan hast 900 persoansnammen. De skriuwer sil yn syn lêzing foaral oan de hân fan dizze persoanen it ferline fan de mûnen fan Harns beljochtsje.
Utnûging: (Frysk) (Nederlânsk). Ferslach: (Frysk)

Sneon 11 febrewaris 2017: Is der in takomst foar it Genealogysk Wurkferbân? Fjouwer fragen. Oanslutend in presintaasje fan Goasse Brouwer: Erfgoed yn 'e romte. Ferslach: (Frysk).

Sneon 3 desimber 2016: Utrikking fan it Genealogysk Jierboek 2016. Ferslach: (Frysk)

Sneon 5 novimber 2016: Leo Bijvoet oer famylje en webstek Bijvoet.

Sneon 3 septimber 2016. Gosse van der Plaats oer de famylje Jouwersma, harren sark en harren relaasje mei de bewenners fan Toutenburch yn de Ryptsjerkstertsjerke (taheakke). Oanslutend: Jan Stavenga oer de skiednis fan Ryptsjerk, bûtenpleatsen en harren bewenners. Ferslach: (Frysk).

Sneon 9 april 2016. Ferslach: (Frysk).